Avropa İttifaqı Ermənistana yeni missiya göndərməyə hazırlaşır
![Avropa İttifaqı Ermənistana yeni missiya göndərməyə hazırlaşır](/uploads/posts/2023-01/324567306_499763682064229_8835747110809630990_n.jpg)
Avropa İttifaqı bir aydan sonra Ermənistana yeni müşahidə missiyası göndərəcək. Bu dəfə missiyanın iki aylıq deyil, azı iki illik müddətə göndərilməsi nəzərdə tutulur.
Bu barədə Ermənistan KİV-ləri xəbər verir.
Bildirilir ki, Avropa İttifaqının Siyasət və Təhlükəsizlik Komitəsi bu barədə layihəni ötən həftə qəbul edib.
Keçən ilin oktyabrında Azərbaycan-Ermənistan sərhədinə göndərilən 40 nəfərlik qrup kimi, budəfəki missiya da Ermənistan ərazisində yerləşəcək.
Nə qədər müşahidəçinin gələcəyi hələ rəsmi olaraq açıqlanmasa da, missiya üzvlərinin 200 nəfərdən ibarət olacağı vurğulanır.