Deputatdan toyların keçirilməməsinə REAKSİYA: "Bu nə deməkdir?"
- 23-02-2021, 11:02
- Siyasət
Milli Məclisin iclasında deputat Fazil Mustafa Nazirlər Kabineti yanında operativ qərargahı tənqid edib. ''Azad Səs'' Unikal.org-a istinadən xəbər verir ki, F.Mustafa idman zallarının açılması və toyların keçirilməsi ilə bağlı qərarların olmamasından şikayətlənib.
Deputat qeyd edib ki, idman zalları açılmalı, toy mərasimləri isə tənzimləmələrlə keçirilməlidir.
“Biz burada məsələ qaldırırıq, heç kim reaksiya vermir, maraqlanmır. Bu nə deməkdir? Niyə maraqlanmırlar ki, xalq necə yaşayır? Bu gün ölkədə ciddi demoqrafik problemlər də mövcuddur”, - deyə F.Mustafa söyləyib.
