Tovuzda itkin düşmüş 10 yaşlı qızın yandırılmış meyiti tapılıb - FOTO
- 6-01-2020, 22:21
- Manset
Ötən il Tovuz rayonununda itkin düşmüş 10 yaşlı qızın meyiti tapılıb. “Report”un Qərb Mərkəzinin məlumatına görə, 2019-cu ilin noyabrın 21-də itkin düşən Tovuz rayon sakini, 2010-cu il təvəllüdlü Nərmin Şərif qızı Quliyevanın meyti Dondar Quşçu kənd ərazisindəki boş sahədə yandırılmış halda aşkarlanıb. Hadisənin kim tərəfindən törədildiyi hələ ki, məlum deyil.
Faktla bağlı Tovuz rayon Prokurorluğundan Cinayət Məcəlləsinin müvafiq maddələri ilə cinayət işi açılıb, araşdırma aparılır.
Xatırladaq ki, hadisə noyabrın 21-i gecə saatlarında baş verib. N.Quliyeva axşam saatlarında qonşuluqdakı toya hazırlıq üçün köməyə gedib.
Atası ondan evə gedib gödəkcəsini gətirməsini istəyib. Bundan sonra ondan heç bir xəbər alınmayıb.
