Prezidentin ordu ilə bağlı fəaliyyətindən əhalinin çoxu razıdır
- 2-09-2020, 11:41
- Manset
Sosial Tədqiqatlar Mərkəzi aprel-iyun aylarını əhatə edən sosial sorğuların nəticələrini açıqlayıb.''Azad Səs'' BAKU.WS-ə istinadən xəbər verir ki, Mərkəzin İdarə Heyətinin sədri Zahid Oruc bildirib ki, sorğuda Prezidentin fəaliyyətinə dair əhalinin fikri öyrənilib.
Nəticədə, Prezident İlham Əliyevin ordu quruculuğu istiqamətindəki fəaliyyətini 70.7 faiz insan çox səmərəli, 24.6 faiz insan əsasən səmərəli hesab edib.
Ölkə başçısının kadr islahatları sahəsindəki fəaliyyətini 53.9 faiz çox səmərəli, 32 faiz əsasən səmərəli dəyərləndirib.
Dövlət rəhbərinin korrupsiyaya qarşı mübarizə istiqamətindəki fəaliyyətini 56.1 faiz çox səmərəli, 27.2 faiz əsasən səmərəli hesab edib.
Sorğuda iştirak edənlərin 59 faizi İlham Əliyev ictimai-siyasi sabitlik istiqamətindəki fəaliyyətini çox səmərəli, 32.1 faizi isə əsasən səmərəli kimi qiymətləndirib.
