Çin XİN Si Cinpin və Bayden görüşünü müsbət qiymətləndirib
“Report” xəbər verir ki, bu barədə Çin Xalq Respublikasının Xarici İşlər Nazirliyi məlumat yayıb.
“Tərəflər Amerika hökumətinin keçid dövründə dialoqun və əməkdaşlığın inkişafı, fikir ayrılıqlarının müvafiq həlli mövzusu, habelə qarşılıqlı maraq doğuran beynəlxalq və regional məsələlər üzrə səmimi, dərin və konstruktiv ünsiyyətdə olublar. Tərəflər Çin-Amerika münasibətlərinin inkişaf istiqamətlərini müəyyən ediblər”, - bəyanatda deyilir.
Qeyd edək ki, Çin Xalq Respublikasının Sədri Si Cinpin və ABŞ prezidenti Cozef Bayden arasında Limada keçirilən görüş iki saatdan az davam edib.
