ABŞ Gürcüstan rəsmilərinə qarşı viza məhdudiyyətləri tətbiq edəcək
“Report” xəbər verir ki, bu barədə ABŞ dövlət katibi Antoni Blinkenin yaydığı yazılı bəyanatda deyilir.
Onun sözlərinə görə, məhdudiyyətlər Gürcüstan hökumətinin rəsmilərinə, habelə onların ailə üzvlərinə şamil ediləcək.
Blinken dövlətlər arasında mövcud münasibətlərin gələcəyinə də toxunub: “Bu gün mən həm də ABŞ və Gürcüstan arasında ikitərəfli əməkdaşlığın hərtərəfli nəzərdən keçirilməsinə başlayıram. Vaşinqton öz qərarlarını verərkən Gürcüstanın hərəkətlərini nəzərə alacaq”.
