Satjan Ablaliyev: Bu il Orta Dəhlizlə yükdaşımaların həcminin artırılması planlaşdırılır
“Report” xəbər verir ki, bunu Qazaxıstanın nəqliyyat nazirinin müavini Satjan Ablaliyev Qazaxıstan-Azərbaycan İşgüzar Şurasının II iclasında deyib.
“Azərbaycanla Qazaxıstan arasında yükdaşımaları 1,5 dəfə artaraq 4,2 milyon tona çatıb. Bundan başqa, keçən il Orta Dəhliz üzrə daşıma 65 % artıb”, - o bildirib.
Onun sözlərinə görə, yükdaşımaların artması bir sıra şirkətlərin dəmir yolu daşımalarında güzəştlər əldə etməsi ilə bağlıdır: “Üstəlik, Çindən konteyner daşımaları 3 dəfə artıb”.
S.Ablaliyev vurğulayıb ki, Xəzər dənizinin dibi ilə fiber-optik rabitə xəttinin çəkilməsi layihəsində təkcə region ölkələri maraqlı deyil.
