KİV: Ağ ev İsrailə on milyonlarla dollarlıq silah-sursat göndərməyə hazırlaşır
“Report” xəbər verir ki, bu barədə “Wall Street Journal” məlumat yayıb.
Bildirilib ki, Ağ ev Qəzza zolağında atəşin kəsilməsində israr etdiyi halda İsrailə 1000 “MK-82” bombası, “KMU-572” yüksək dəqiqlikli istiqamətləndirici komplektləri, “KMU-572” bombaları üçün partlayıcılar tədarük etməyi planlaşdırır.
Məlumata görə, ABŞ administrasiyası, Dövlət Departamenti və Pentaqon informasiyanı şərh etməkdən imtina ediblər. Bu qurumlar İsrail Müdafiə Nazirliyi və Baş Nazirlik dəftərxanasının şərhinə dair sorğuya cavab verməyiblər.
