Almaniya Prezidenti Ukraynaya kaset sursatlarının verilməsini dəstəkləyib
“Report” xəbər verir ki, bu barədə Almaniya Prezidenti “ZDF” telekanalına müsahibəsində deyib.
Almaniya prezidenti hesab edir ki, hökumət müttəfiqlərin yoluna mane olmamalıdır: “Ölkəmiz “Kaset tipli silah-sursatlar haqqında” Konvensiya sənədinə qoşulsa belə, hazırda biz düzgün mövqedəyik. Müttəfiq ölkələrin Ukraynaya gələcək dəstəyi vacibdir”.
Qeyd edək ki, Beynəlxalq humanitar hüququn əsas və əhəmiyyətli hissələrindən biri olan, 2008-ci ildə, Dublində qəbul edilmiş “Kaset tipli silah-sursatlar haqqında” Konvensiya sənədə qoşulub-qoşulmamasından asılı olmayaraq, beynəlxalq birliyin üzvü olan bütün dövlətlərə belə silah-sursatdan istifadəni qadağan edir.
Konvensiyaya əsasən, sənədin qüvvəyə mindiyi gündən başlayaraq ən geci 8 il müddətində bütün dövlətlər silahlı qüvvələrinin arsenalında olan kaset tipli silah-sursatları məhv etməli idilər.
