Azərbaycan-Gürcüstan sərhəddi nə vaxt açılacaq?
- 20-04-2020, 09:16
- Manset
Xüsusi karantin rejiminin müddətinin uzadılması ilə əlaqədar Azərbaycan-Gürcüstan sərhədinin mayın 4-dək bağlı saxlanılmasına qərar verilib. Bu barədə Operativ Qərargahdan məlumat verilib. Nazirlər Kabinetinin 18 aprel tarixli qərarına əsasən, “Sanitariya-epidemioloji salamatlıq haqqında” Azərbaycan Respublikası Qanununun 25-ci maddəsinə uyğun olaraq, ölkə ərazisində tətbiq edilən xüsusi karantin rejimi 2020-ci il 4 may saat 00.00-dək uzadılıb. Bununla əlaqədar Azərbaycan Respublikası ilə Gürcüstan arasında dövlət sərhədinin müvəqqəti bağlı saxlanılması barədə qərarın müddəti 2020-ci il 4 may saat 00.00-dək uzadılır.
