Azərbaycanda əsas kapitala yönələn vəsait artıb
- 16-09-2020, 15:51
- İqtisadiyyat
2020-ci ilin yanvar-avqust aylarında ölkәnin iqtisadi vә sosial sahәlәrinin inkişafı üçün bütün maliyyә mәnbәlәrindәn әsas kapitala 8 milyard 682,4 milyon manat vəsait cəlb olunub. Oxu.Az-ın Dövlət Statistika Komitəsindən əldə etdiyi məlumata əsasən, әvvәlki ilin müvafiq dövrü ilә müqayisәdә maliyyә mәnbәlәrindәn әsas kapitala 0,7 faiz çox vәsait yönәldilib.
Belə ki, neft-qaz sektoruna yatırılmış investisiyaların hәcmi 19 faiz artıb, qeyri-neft-qaz sektoruna yönәldilәn vәsaitin hәcmi isә 10,5 faiz azalıb.
Ümumi sәrmayәnin 5 milyard 829,5 milyon manatı vә ya 67,1 faizi mәhsul istehsalı sahәlәrinin, 2 milyard 30,6 milyon manatı (23,4 faizi) xidmәt sahәlәrinin, 822,3 milyon manatı (9,5 faizi) isә yaşayış evlәrinin tikintisinin payına düşüb.
