Səhiyyə sahəsinə ayrılan vəsait artırılır
2020-ci ilin dövlət büdcəsində səhiyyə xərcləri üçün 1369,0 milyon manat vəsait ayrılıb. Oxu.Az xəbər verir ki, bu barədə Azərbaycan Respublikasının 2020-ci ilin dövlət va icmal büdcələri üzrə sənəd layihəsində qeyd olunub.
2020-ci il üçün səhiyyə sahəsinə ayrılan vəsait 2019-cu illə müqayisədə 326,5 milyon manat və ya 31,3 faiz artıqdır.
2020-ci ilin dövlət va icmal büdcələri üzrə sənəd layihəsinə əsasən, gələn ilin səhiyyə xərclərinin dövlət büdcəsi xərclərinin tərkibində xüsusi çəkisi 5,1 faiz təşkil edəcək.
Bu isə cari illə müqayisədə 1,0 faiz çoxdur.
