Fatih Terim köməkçilərinə "Neftçi"ni təhlil etməyi tapşırdı
- 3-09-2020, 08:14
- İdman
Türkiyənin "Qalatasaray" komandası UEFA Avropa Liqasının II təsnifat mərhələsində "Neftçi" ilə keçirəcəyi matça köklənib. "Report" "Fotomac" nəşrinə istinadən xəbər verir ki, Fatih Terim hansısa sürpriz nəticənin qarşısını almaq üçün köməkçilərinə göstəriş verib.
Köməkçi-məşqçilər 67 yaşlı mütəxəssisin tapşırığına əsasən, "Neftçi"ni təhlil etməyə başlayıb.
Qeyd edək ki, sentyabrın 17-də "Bakcell Arena"da keçiriləcək "Neftçi" - "Qalatasaray" oyunu saat 20:00-da başlayacaq.
