Bakı metrosunda qatarın hərəkətində yaranmış nazaslıq səbəbindən sərnişin sıxlığı yaranıb

Bu gün səhər saat 7 radələrində metronun "İçərişəhər" stansiyasında qatarların birinin hərəkətində texniki nasazlıq yaranıb. 
Bunu "Bakı Metropoliteni" QSC-nin mətbuat xidmətinin rəhbəri Bəxtiyar Məmmədov deyib.
O qeyd edib ki, qatar sərnişinsiz olmaqla Depoya göndərilib:
“Həmin qatarın əvəzin digər qatar xəttə çıxsa da, "İçərişəhər" istiqamətində 8 dəqiqəlik yubanma yaranıb. Yubanma interval olaraq 2 qatar arasında olub. Nəticədə metropolitendə sərnişin sıxlığı yaranıb. Hazırda dispetçerlər tərəfindən intervalın normaya salınması, ümumi qrafikin bərpası istiqamətində işlər görür. Qısa müddətdə problem aradan qaldırılacaq.”