Ötən gün 43 yanğına çıxış olub, yeddi nəfər xilas edilib
Ötən sutka ölkə ərazisində 43 yanğına çıxış, bir halda köməksiz vəziyyətdə qalma və bir avtonəqliyyat qəzası faktı üzrə qəza-xilasetmə əməliyyatları həyata keçirilib. Görülmüş təcili və təxirəsalınmaz tədbirlər nəticəsində yanğınların operativ söndürülməsi, insanların həyatının xilas olunması təmin edilib.
Bu barədə FHN-dən məlumat verilib.
Ümumilikdə, FHN-in qüvvələri tərəfindən ötən sutka ölkə ərazisində biri azyaşlı olmaqla yeddi nəfər xilas edilib, yanğın zamanı bir nəfər yanıq xəsarəti alıb, avtoqəza nəticəsində iki nəfərin meyiti çıxarılaraq aidiyyəti üzrə təhvil verilib.
