Azərbaycanda kişinin arvadını boğaraq öldürməsinin səbəbi BİLİNDİ - YENİLƏNİB
![](/uploads/posts/2022-11/medium/1668845814_1592322787_1537806885_1528103580_5ae9aaf15089e_intihar-3.jpg)
Bu barədə Yevlax Rayon Prokurorluğundan məlumat verilib.
Bildirilib ki, noyabrın 19-u saat 6 radələrində 2000-ci il təvəllüdlü Nuridə Salmanovanın öldürülməsi barədə rayon prokurorluğuna məlumat daxil olub.
Aparılmış araşdırmalarla zərərçəkmişin əri, 1993-cü il təvəllüdlü Anar Salmanovun şəxsi münasibətlər zəminində aralarında yaranmış münaqişə zamanı ip vasitəsilə Nuridə Salmanovanı boğaraq qəsdən öldürməsinə əsaslı şübhələr müəyyən edilib.
Faktla bağlı Yevlax Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
Anar Salmanov şübhəli şəxs qismində tutularaq istintaqa cəlb edilib.
İş üzrə istintaq davam edir.
Oxu.Az-ın əldə etdiyi məlumata görə, onlar Kəlbəcər rayonunun Qılınclı kənd sakinləridir. A.Salmanov arvadı N.Salmanovanı xəyanət səbəbindən öldürüb.