Bakıda sevgi faciəsi: 16 yaşlı qızın meyiti tapıldı
Bakıda 16 yaşlı qız intihar edib.“Kriminalqafqaz”ın əldə etdiyi məlumata görə, dünən saat 16 radələrində Mərdəkan qəsəbəsində yerləşən “Günəşli” sanatoriyasındakı sanitar qovşaqdan yeniyetmə qızın asılmış vəziyyətdə meyiti aşkar edilib.
İlkin araşdırmalardan sonra meyitin həmin sanatoriyanın həyətindəki evlərdən birində yaşayan, 2006-cı il təvəllüdlü Ə.Əliyevaya məxsus olması müəyyən edilib.
Bəlli olub ki, orta məktəb şagirdi olan 16 yaşlı Ə.Əliyevanın tanış olduğu oğlanla sevgi münasibəti yaranıb. Valideynləri isə ona həmin oğlanla əlaqəsini kəsməsini tapşırıblar. Ali məktəbə hazırlaşan qızın ailə üzvləri daha sonra Ə.Əliyevanın mobil telefonunu əlindən alıblar.
Bundan sonra 16 yaşlı qız sanitar qovşaqda özünü asaraq həyatına son qoyub.
Faktla bağlı araşdırmalar davam etdirilir.
