Tailand spirtli içkilərin gündüz satışına qoyulan 50 illik qadağanın ləğv edilməsini nəzərdən keçirəcək
- 3-07-2024, 08:53
- Dünya
“Report” xəbər verir ki, bu barədə “Bangkok Post” qəzeti məlumat yayıb.
Nəşr bildirib ki, Tailandın Baş naziri Settha Thavisin restoran biznesinin nümayəndələri ilə görüş keçirib, onlar əməliyyat xərclərinin artması və ərzaq qiymətlərinin artması ilə bağlı şikayət ediblər.
“Mən bu məsələyə baxacağam. Hökumət turizmi inkişaf etdirməyə çalışır və ümid edir ki, bu, həm də daha çox gəlir gətirəcək”, – Baş nazir vurğulayıb.
Qeyd edək ki, Tailandda 1972-ci ildə işçilərin nahar vaxtı spirtli içki içməsinin qarşısını almaq üçün spirtli içkilərin satışına məhdudiyyətlər tətbiq edilib. Krallıqda gecə yarısından 11:00-a qədər spirtli içkilərin satışı da qadağandır.
