ABŞ-də ata ev tapşırığı ilə bağlı tez-tez məktəbə zəng etdiyi üçün həbs edilib

ABŞ-dan olan bir kişi oğlunun məktəbinə çox tez-tez zəng edib və ev tapşırığı ilə bağlı suallar verib.

Amerikalı oğluna ibtidai məktəbdə həddən artıq çox dərs verilməsindən narazı olub. Kişi bir neçə dəfə direktora zəng edərək vəziyyəti araşdırmağı tələb etsə də, sonradan onun zənglərinə cavab verilməyib.

Əsəbiləşən ata polisə şikayət edib. Zabitlər isə kişinin evinə gedərək onu telekommunikasiya təqibi və təhdidi ittihamı ilə həbs ediblər.

İndi amerikalını altı aya qədər həbs cəzası və 1000 dollar cərimə gözləyir.

Şikayətçi ona qarşı irəli sürülən bütün ittihamları rədd edərək bildirir ki, o, tənha ata olduğu üçün oğluna sadəcə kömək etmək istəyib.

Mənbə: mk.ru