ABŞ ölümcül iynə çatışmazlığı səbəbindən edamları təxirə salıb

Ohayo ştatının (ABŞ) hakimiyyət orqanları öldürücü inyeksiya üçün lazım olan dərmanları ala bilmədiklərinə görə üç edamı təxirə salmaq qərarına gəliblər.

Bu barədə "Report" CNN-ə istinadən xəbər verir.

Ştatın qubernatoru Mayk Deuayn qeyd edib ki, dərman tədarükçüləri hələlik belə maddələr satmağa hazır deyillər.

Eyni zamanda, əczaçılıq sənayesinin nümayəndələri əvvəllər Ohayo hakimiyyətini hədələyiblər ki, onların məhsullarından nümunələrin ölüm hökmünün icrasında istifadə olunmasından şübhələndikləri halda, dərmanlarının satışını tamamilə dayandıracaqlar.

CNN vurğulayıb ki, bu payız üçün nəzərdə tutulan edamlar indi 2026-cı ilə təxirə salınıb. Sonuncu dəfə Ohayoda məhbuslar 5 il əvvəl edam edilib.