İki gün əvvəl Çinin XİN rəhbəri ilə görüşən Filippin prezidentinin koronavirus testi müsbət çıxdı
- 8-07-2022, 16:27
- Dünya
İyunun 30-da and içən Filippin Prezidenti Ferdinand Markosun (Kiçik) koronavirus testi müsbət çıxıb.Bu barədə Respublika Prezidenti yanında ictimaiyyətlə əlaqələr şöbəsinin rəhbəri Triksi Kruz-Anxeles brifinq zamanı məlumat verib:
“Prezidentin koronavirus anticisim testi müsbət çıxıb. Onun bir az qızdırması var, amma başqa vəziyyəti yaxşıdır. Onunla yaxın təmasda olan hər kəs məlumatlandırılıb”.
Kruz-Anxeles qeyd edib ki, prezident bu gün Amerika Birləşmiş Ştatlarının müstəqilliyinin 246-cı ildönümü ilə bağlı tədbirin keçiriləcəyi Filippindəki ABŞ səfirliyinə getməyəcək.
Səhiyyə nazirinin müavini Maria Rosario Vergeyr bildirib ki, Filippin lideri yeddi günlük karantinin sonunda və simptomları azaldıqdan sonra üz-üzə görüşlərə davam edəcək.
Çərşənbə günü Filippin prezidenti Çinin xarici işlər naziri Van İ ilə görüşüb və sonuncu, G20 xarici işlər nazirlərinin iclasında iştirak etmək üçün İndoneziyaya gedib.
