Müharibə zamanı Ukraynada öldürülən dinc əhalinin yeni sayı
BMT-nin Qaçqınlar üzrə Ali Komissarlığı Ukraynadakı qaçqın böhranı ilə bağlı yeni məlumatlar paylaşıb.“Azadsəs.az” xarici KİV-ə istinadən bildirir ki, BMT Rusiya-Ukrayna müharibəsində Ukraynada ən azı 2 min 72 mülki şəxsin öldüyünü, 2 min 818 nəfərin yaralandığını, 4 milyon 934 min 415 nəfərin isə hücumlardan sonra qonşu ölkələrə keçdiyini açıqlayıb.
Qeyd olunub ki, 24 fevral-17 aprel tarixləri arasında yarısından çoxu Polşaya olmaqla Ukraynadan 4 milyon 934 min 415 nəfərin qonşu ölkələrə gedib.
Bildirilib ki, mülki əhali arasında tələfatların çoxu geniş təsir spektrinə malik partlayıcı silahların istifadəsi, o cümlədən ağır artilleriya və reaktiv yaylım atəşi sistemlərinin bombardmanları və hava zərbələri nəticəsində baş verib.
