Əfqanıstanda mina axtaran təşkilatın 10 əməkdaşı qətlə yetirildi
- 9-06-2021, 11:45
- Dünya
Əfqanıstanda minaların təmizlənməsi ilə məşğul olan Britaniya-Amerika qeyri-kommersiya təşkilatı “HALO Trust”ın 10 əməkdaşı qətlə yetirilib.Bu barədə yerli “1TV” telekanalı məlumat verib.
Telekanalın məlumatına görə, hücum Əfqanıstanın şimal-şərqindəki Bəğlan vilayətində baş verib.
Silahlı hücum nəticəsində daha 14 nəfər yaralanıb.
Rəsmilər hücumun “Taliban” hərəkatı tərəfindən həyata keçirildiyini bildiriblər.
