Türkiyə MN: Kəlbəcər 27 ildən sonra gerçək sahiblərinə qovuşub
25-11-2020, 10:53. Разместил: azadses
Türkiyənin Milli Müdafiə Nazirliyi Kəlbəcər rayonunun Ermənistanın işğalından azad olunması münasibətilə Azərbaycanı təbrik edib.''Azad Səs'' xəbər verir ki, təbrik mətni nazirliyin tvitterində paylaşılıb.
“Qəhrəman Azərbaycan Ordusu Qarabağda qazandığı böyük zəfərdən sonra əldə olunan razılaşma çərçivəsində Ağdamdan sonra Kəlbəcərə daxil olub. Kəlbəcər 27 il sonra gerçək sahiblərinə qovuşub. Şanlı ay-ulduzumuz indi də azan səsləri ilə birlikdə Kəlbəcərdə dalğalanacaq”, - qeyd olunub.
Nazirlik Azərbaycan Ordusunun Kəlbəcərə daxil olması fotolarını da paylaşıb.
Qeyd edək ki, noyabrın 10-u Azərbaycan, Rusiya və Ermənistanın ölkə başçıları arasında imzalanan bəyanata əsasən, Kəlbəcər rayonu boşaldılıb.
Вернуться назад