Böyük Britaniya Ukraynanı vəkil və polislərlə təmin edəcək
7-06-2022, 09:38. Разместил: admin
Böyük Britaniya Beynəlxalq Cinayət Məhkəməsinin (ICC) Ukraynadakı hərbi cinayətlərlə bağlı təhqiqatını dəstəkləmək üçün vəkillər və polis təmin edir.4
Bu barədə Britaniya hökuməti öz rəsmi saytında bu gün ICC təhqiqatına ikinci dəstək paketini təqdim edən Baş nazirin müavini Dominik Raaba istinadən məlumat verib.
“Bu ilin əvvəlində təqdim edilən 1 milyon funt-sterlinq maliyyə vəsaitinə əlavə olaraq, istintaqa dəstək olmaq üçün xüsusi hüquq və polis qrupu təklif olunacaq. Buraya Haaqada yerləşdirilmiş paytaxt polisinin xüsusi zabiti də daxil olacaq və o, ICC-nin Britaniya polisi və hərbi ekspertizasına sürətli çıxışı təmin edəcək. Beynəlxalq cinayət hüququ sahəsində böyük təcrübəyə malik olan yeddi britaniyalı hüquqşünas sübutların üzə çıxarılmasına və müharibə cinayətlərinə görə günahkarların məsuliyyətə cəlb edilməsinə köməklik etməyi təklif edib”, - deyə məlumatda bildirilir.
Hesabatda qeyd olunur ki, bu ayın əvvəlində Böyük Britaniyanın baş prokuroru Suella Braverman Ukraynaya səfər edib və Ukraynanın baş prokuroru İrina Venediktovanın işinə dəstək vermək üçün regionda hərbi cinayətlər üzrə ekspertlərdən ibarət nümayəndə heyətinə başçılıq edib.
Вернуться назад