Türkiyə və Ermənistan XİN rəhbərlərinin görüşü keçirildi - Yenilənib
12-03-2022, 15:14. Разместил: admin
Antalyada Türkiyə və Ermənistan xarici işlər naziri Mövlud Çavuşoğlu və Ararat Mirzoyan arasında görüş keçirilir.“Azadsəs.az” xəbər verir ki, bu barədə məlumatı “RİA Novosti” yayıb.
“Sputnik Ermənistan”ın məlumatına görə, Çavuşoğlu və Mirzoyan arasında danışıqlar bağlı qapı arxasında keçirilir. Lakin bununla belə, tərəflərin Türkiyə və Ermənistan arasında münasibətlərin normallaşdırılması yollarını müzakirə etdiyi məlumdur.
Xatırladaq ki, Ararat Mirzoyan Antalya Diplomatiya Forumunda iştirak etmək üçün Türkiyəyə səfər edib.
***
“Anadolu” agentliyinin məlumatına görə, Türkiyə və Ermənistan XİN rəhbərləri arasında görüş başa çatıb. Görüş barədə açıqlama verən M.Çavuşoğlunun sözlərinə görə, erməni həmkarı ilə görüş çox konstruktiv və məhsuldar keçib:
“İki ölkə arasında münasibətlərin tam olaraq normallaşdırılması istiqamətində addımları müzakirə etdik”.
O qeyd edib ki, Azərbaycan Ankara və İrəvan arasında dialoq prosesini dəstəkləyir.
Ararat Mirzoyan isə öz növbəsində bildirib ki, İrəvan Ankara ilə münasibətlərin normallaşdırılması üçün səy göstərəcək. Mirzoyan qeyd edib ki, Ermənistan Cənubi Qafqazda sülh və sabitlik istiqamətində səy göstərilməsi məsələsində qərarlıdır.
Вернуться назад