“Bu, Avropa üçün son sınaqdır” - Zelenski
11-03-2022, 11:18. Разместил: admin
“Xalqımız, dövlətimiz, ordumuz Ukraynanın Avropa Birliyinə qəbul edilməsi üçün artıq hər şeyi edib”.“Azadsəs.az” xəbər verir ki, bunu Ukrayna Prezidenti Volodimir Zelenski xalqa müraciətində deyib.
“Bu gün və sabah Avropada Ukraynanın Avropa İttifaqında gələcəyi ilə bağlı müzakirələr davam edir. İnanıram ki, xalqımız, dövlətimiz, ordumuz artıq hər şeyi edib ki, bizi orada bərabər dövlətlər sırasında görsünlər. Bu, Avropa üçün son sınaqdır.
Dövlət rəhbərləri arasında bizi dəstəkləyənlər də var, yalnız özlərini dəstəkləyənlər də var, amma biz bütün bu ölkələrin, Avropa ölkələrinin xalqının bizə necə münasibət bəslədiyini görürük və əsas budur.
Əgər bizim Aİ-yə üzv olmağımıza qərar verən insanlar olsaydı, onlar Ukrayna xalqını mütləq seçərdilər.
Bu gün mən Avropanın paytaxtlarının meydanlarında hər bir ölkənin xalqlarının dəstəyini görəndə bilirəm ki, Ukrayna xalqı artıq Avropa İttifaqındadır. Siyasətçilərə gəlincə, əminəm ki, onlar uyğunlaşacaqlar. Avropa xalqlarına şöhrət! Ukraynaya şöhrət! Ordumuza şöhrət olsun!”, - deyə Zelenski bildirib.
Вернуться назад