“Rusiyanın Ukraynanı parçalamaq məqsədi yoxdur” - Peskov
5-03-2022, 08:15. Разместил: admin
“Rusiyanın Ukraynanı demilitarizasiya etmək üçün keçirdiyi xüsusi əməliyyatın məqsədi Ukraynanı hissələrə bölmək deyil, öz təhlükəsizliyinə təminat verməkdir”.“Azadsəs.az” xəbər verir ki, bunu Rusiya prezidentinin mətbuat katibi Dmitri Peskov “Sky News Arabia” telekanalına müsahibəsində deyib.
“Biz öz məqsədlərimizə nail olmaq istəyirik, bunlardan birincisi Ukraynanın demilitarizasiyasıdır. Biz Ukraynanın neytral statusu ilə bağlı konstitusiya zəmanəti istəyirik” - Peskov bildirib.
Mətbuat katibi qeyd edib ki, Rusiyanın Ukraynanı parçalamaq məqsədi yoxdur:
“Rusiya Ukrayna tərəfi ilə danışıqların üçüncü raundunu gözləyir və Kiyevin Moskvanın narahatlığını dinləyəcəyinə ümid edir, bu isə hərbi əməliyyatı dayandırmaq üçün zəruridir”.
Вернуться назад