Daşaltı hadisəsi haqda növbəti açıqlama - “Minalar üst-üstə qoyulub”
9-12-2021, 17:38. Разместил: admin
Azərbaycan Respublikasının Minatəmizləmə Agentliyi (ANAMA) Şuşa rayonunun Daşaltı kəndi ərazisində iki nəfərin minaya düşməsi ilə bağlı açıqlama yayıb.“Azadsəs.az” xəbər verir ki, məlumatda deyilir:
“Şuşa şəhərinin Daşaltı kəndindən 1 300 metr məsafədə, minatəmizləmə əməliyyatları icra edilməyən ərazidə iki nəfər - 1999-cu il təvəllüdlü Xanatov Orxan Norim oğlu və 1993-cu il Qəndiyev Vüsal Firuddin oğlu mina partlayışından həlak olub. Hadisə 9 dekabr tarixində saat 08:30 radələrində baş verib. Agentliyin təmizləmə qrupu tərəfindən hər iki şəxsin cəsədi minalı ərazidən götürülərək aidiyyəti üzrə təhvil verilib.
Partlayış nəticəsində həlak olan şəxslər Daşaltı kəndində bərpa və quruculuq işlərini həyata keçirən tikinti şirkətinin əməkdaşları olub.
ANAMA tərəfindən aparılmış ilkin araşdırmalara görə, hadisə düşmənin basdırdığı sürpriz mina partlayışı nəticəsində baş verib. Piyada əleyhinə minanın altına tank əleyhinə minanın qoyulması daha güclü partlayışa və öz növbəsində minaya düşənin ölümünə səbəb olur. Bu tip sürprizlər bir daha Ermənistan tərəfinin terrorçu niyyətinin baris nümunəsidir.
Həmçinin oxuyun: Vidadi Muradovun şirkət direktoru etdiyi çayçısı - “Cənab hakim, yığışıb çay içərik”
“Alpinist”in film kimi cinayətlərinin ssenariləri - “Oğurluqdan sonra evdən çıxa bilməyiblər”
ANAMA tərəfindən azad edilən ərazilərdə bərpa-quruculuq işləri ilə məşğul olan şəxslərə növbəti dəfə müraciət olunur ki, təhlükəli və şübhəli ərazilərə daxil olmasınlar, rastlaşdıqları naməlum əşyalara toxunmasınlar”.
Вернуться назад