"Ermənilər bizim qanunlarla yaşamağı qəbul etməlidir" - XANKƏNDİ, XOCALI, XOCAVƏND
19-12-2020, 11:41. Разместил: azadses
Qarabağa qayıdan ermənilərin sayının 30 minə yaxınlaşdığı bildirilir. Bir müddət əvvəl isə Rusiya Təhlükəsizlik Şurasının iclasında Xankəndinin infrastrukturunun 5 min əhaliyə xidmət etməyə imkan verdiyi qeyd olunmuşdu.''Azad Səs'' Redaktor.az-a istinadən xəbər verir ki, məsələ ilə bağlı danışan iqtisadçı ekspert Natiq Cəfərli deyib ki, Rusiya keçmiş Dağlıq Qarabağa humanitar yardımlar göndərir, lakin bu, həmişə belə olmayacaq:
“Digər tərəfdən, rəsmi Moskva bu yardımları Azərbaycan ərazisindən keçirir, bizim icazəmizlə ilə edir. Keçmiş Dağlı Qarabağ Muxtar Vilayətinin erməni əsilli Azərbaycan vətəndaşları əvvəl olduğu kimi, yenə Azərbaycanın vətəndaşlarıdır. Bunu onların da anlaması və qəbul etməsi lazımdır. İstənilən halda bu, onların xeyrinə olacaq.
Keçmiş Dağlıq Qarabağ ərazisində yaşayan ermənilər qida təminatını əsasən işğal altında olan ətraf rayonlardan və Ermənistan vasitəsi ilə təmin edirdi. Lakin bu gün ətraf rayonlar Azərbaycanın nəzarəti altındadır.
Düzdür, hazırda Rusiya sülhməramlıları regionda olsa da, onların tək məqsədi silahlı qarşıdurmanın qarşısını almaqdır. Bundan başqa, digər bütün öhdəliklər, həmçinin keçmiş Dağlıq Qarabağ ərazisinə gələcək yardımlar və digər vasitələr Azərbaycan Respublikasına aiddir.
Keçmiş Dağlıq Qarabağın erməni əhalisi anlamalıdır ki, onlar da Azərbaycan Respublikasının bir parçasıdır. Bir daha deyirəm, bu, ilk növbədə onların özləri üçün faydalıdır.
Regionun bütün iqtisadi infrastruktur layihələri Azərbaycanın nəzarətindədir. Yəni, Ermənistan və Rusiyanın yardımlarına möhtac olmaqdansa, mənsub olduqları Azərbaycanın bir parçası olub, digər vətəndaşlarımız kimi sülh və əmin-amanlıq şəraitində yaşaya bilərlər”.
Ekspertin sözlərinə görə, bu gün Xankəndiyə köçən ermənilərin bir çoxu ətraf rayonlardan gələnlərdir:
“Xankəndidə infrastruktur və insan tutumu üçün yararlı evlər çox azdır. Ətraf rayonlardan köçüb gələnləri də nəzərə alsaq, hazırda orada vəziyyət heç də ürəkaçan deyil. Xankəndi bu qədər erməninin ehtiyacını ödəyəcək gücdə bir şəhər deyil. Buna görə də erməni əhalisi Azərbaycan vətəndaşlığını alıb, bizim qanunlarımız altında yaşamağa alışmalıdır”.
Вернуться назад