Polşa Belarusla sərhədlərini tamamilə bağlaya bilər

Varşava Belarusla sərhədlərin tamamilə bağlanması ehtimalını istisna etmir.

Bunu Polşa daxili işlər nazirinin müavini Maçey Vonsiq bildirib.

“Polşa müxtəlif vəziyyətlərə hazırdır və mən Belarusla sərhəddə nəqliyyatın olmayacağını istisna etməzdim”, - deyə o, bəyan edib.

Nazir müavini ölkəsinin növbəti qərarlar qəbul etməzdən əvvəl Minskdən “müəyyən siqnallar” gözlədiyini vurğulayıb.

Qeyd edək ki, bundan əvvəl Polşa hakimiyyəti Bobrovnikidə Belarusla sərhəddəki sərhəd-keçid məntəqəsini bağlayıb. Belə bir addım dövlət təhlükəsizliyinin maraqları ilə izah edilib.