Azərbaycan Mədəniyyət Ocağının sədri vəfat etdi
- 24-12-2021, 12:38
- Mədəniyyət
Danimarkanın Arhus şəhərində fəaliyyət göstərən Azərbaycan Mədəniyyət Ocağının sədri Kərim Urmulu uzunsürən xəstəlikdən dünyasını dəyişib.“Azadsəs.az” xəbər verir ki, bu barədə diaspor üzrə ekspert Elnur Eltürk məlumat verib.
O, Kərim Urmulunun 1986-cı ildən fəaliyyət göstərən Azərbaycan Mədəniyyət Ocağına rəhbərlik etdiyini bildirib. Danimarkada Azərbaycan diasporunun təşkilatlanmasında, soydaşlarımızın birliyinin yaranmasında, Ermənistanın təcavüzkar siyasətinin çatdırılmasında əvəzsiz xidmətlər göstərib.
Qeyd edək ki, Kərim Urmulu əslən Güney Azərbaycandandır. 2006-cı ildə Dünya Azərbaycanlılarının Əlaqələndirmə Şurasının üzvü olub.
