ABŞ administrasiyası: Pxenyan Kursk bölgəsində 8 min əsgər yerləşdirib
1-11-2024, 08:53. Разместил: azadses
“Report” xəbər verir ki, bu açıqlama ilə ABŞ dövlət katibi Entoni Blinken çıxış edib.
Onun sözlərinə görə, Vaşinqton Şimali Koreyanın Rusiya ilə dərinləşən təhlükəsizlik münasibətlərinə cavab vermək üçün avropalı tərəfdaşları ilə işləyir.
“Hesablamalarımıza görə, hazırda Rusiyada 10 minə yaxın Şimali Koreya əsgəri var və son məlumatlara görə, onlardan 8 minə qədəri Kursk vilayətinə köçürülüb. Biz hələ bu qoşunların Ukrayna qüvvələrinə qarşı döyüşlərdə iştirak etdiyini görməmişik, lakin bunun yaxın günlərdə baş verəcəyini gözləyirik.
Rusiya Şimali Koreya qoşunlarına artilleriya, pilotsuz uçuş aparatları və əsas piyada döyüşləri, o cümlədən xəndəklərin qazılması üzrə təlimlər keçirir ki, bu da onun bu qoşunlardan cəbhə əməliyyatlarında istifadə etmək niyyətində olduğunu göstərir. Bu qoşunlar Ukraynaya qarşı döyüş və ya dəstək əməliyyatlarında iştirak etsələr, qanuni hərbi hədəfə çevriləcəklər”.
Вернуться назад