ABŞ, Yaponiya və Cənubi Koreya liderləri əməkdaşlıqda böyük irəliləyişi qeyd ediblər
18-08-2024, 11:17. Разместил: azadses
"Report"un məlumatına görə, bu barədə onların Ağ Evin saytında dərc olunmuş birgə bəyanatında deyilir.
Dövlət başçılarının bəyanatda qeyd edilir ki, bu il onlar ilk dəfə birgə hərbi təlimlər keçirib, təhlükəsizlik sahəsində əməkdaşlığa dair yeni üçtərəfli çərçivə sazişi imzalayıb və Koreya Xalq Demokratik Respublikası (KXDR) ilə qarşıdurmada müəyyən irəliləyiş əldə ediblər.
“Biz Yaponiya, Koreya Respublikası (KR) və Amerika Birləşmiş Ştatlarının (ABŞ) liderləri, tarixi zirvə görüşümüzdən bir il sonra üçtərəfli əməkdaşlığımızda böyük irəliləyişi qeyd edirik”, - bəyanatda deyilir.
Dövlət liderləri həmçinin regional məsələlər üzrə məsləhətləşmələrin keçirilməsinə və təhlükəsizlik, iqtisadiyyat, texnologiyanın inkişafı və səhiyyə sahələrində əməkdaşlığın gücləndirilməsinə sadiq olduqlarını vurğulayıblar.
Вернуться назад