Mask: Rusiya-Ukrayna müharibəsindən çıxış strategiyası yoxdur
21-04-2024, 12:08. Разместил: azadses
“Report” xəbər verir ki, milyarder Rusiya-Ukrayna müharibəsindən çıxış üçün strategiyanın olmamasından narahatlığını ifadə edib.
“Ən böyük qorxum ondan ibarətdir ki, heç bir çıxış strategiyası yoxdur, sadəcə olaraq, uşaqların səngərdə artilleriya və pulemyot atəşindən və ya minalanmış sahələrdəki snayper güllələrindən öldüyü sonsuz müharibədir”, – Mask sosial şəbəkədə yazıb.
İş adamı bu formada amerikalı milyarder Devid Saksın Nümayəndələr Palatasının qərarı ilə bağlı paylaşımını şərh edib. Saksa görə, “Ukrayna üçün qurtarıcı kimi qəbul edilən yeni maliyyə layihəsi yay əks-hücumunun tam yarısını ödəyəcək”.
Xatırladaq ki, ABŞ Konqresinin Nümayəndələr Palatası Ukraynaya yardım üçün 61 milyard dolların ayrılmasını təsdiqləyib. Daha sonra qanun layihəsi əksəriyyətin Ukraynaya yardımı dəstəklədiyi Senata ötürüləcək.
Вернуться назад