Xəzərdə qanunsuz balıq ovu ilə məşğul şəxs saxlanıldı
1-03-2024, 16:32. Разместил: azadses
Daxili İşlər Nazirliyinin Mətbuat Xidmətinin Şirvan regional qrupundan verilən məlumata görə, polis əməkdaşlarının Neftçala rayonunun Mayak kəndi ərazisində apardıqları profilaktiki-nəzarət tədbirləri zamanı Xəzər dənizində kustar üsulla hazırlanmış ov qurğularından istifadə etməklə balıq ovlayan rayonun Kürkənd kənd sakini E.Şirəliyev saxlanılıb.
Həmin şəxsdən müxtəlif növ ov qurğuları, eləcə də qanunsuz olaraq ovlanmış 40-dan çox şamayı, külmə, kütüm, qarabel siyənək və kefal balığı aşkar edilərək götürülüb.
Faktla bağlı araşdırmalar davam etdirilir.
Вернуться назад