Azərbaycana idxal olunan hansı motosikletlər aksiz vergisinə cəlb olunacaq?
1-01-2024, 13:00. Разместил: azadses
“Report” xəbər verir ki, bununla bağlı Vergi Məcəlləsinə dəyişiklik edilib.
Dəyişikliklərə əsasən, dövlət qeydiyyatına alınmalı olan motosikletlər aksizli mallar siyahısına daxil edilir.
Bununla bağlı, aksiz dərəcəsi Azərbaycana idxal olunan motosikletlər üçün mühərrikin həcmi 125 kubsantimetrədək olduqda onun hər kubsantimetrinə görə 0,20 manat, mühərrikin həcmi 500 kubsantimetrədək olduqda 25 manat+mühərrikin həcminin 126-500 kubsantimetr hissəsi üçün hər kubsantimetrə görə 0,40 manat, mühərrikin həcmi 500 kubsantimetrdən çox olduqda 175 manat+mühərrikin həcminin 500 kubsantimetrdən çox hissəsi üçün hər kubsantimetrə görə 0,50 manat olacaq.
Azərbaycanda istehsal olunan motosikletlər üçün aksiz dərəcəsi isə müvafiq icra hakimiyyəti orqanı tərəfindən müəyyənləşdiriləcək. Ölkə daxilində istehsal olunan motosikletlər 0 dərəcə ilə aksizə cəlb ediləcək.
Вернуться назад