KİV: "Qərb Ermənistanda anti-Rusiya parlamenti yaratmaq istəyir"
5-12-2023, 15:29. Разместил: azadses
“Report” xəbər verir ki, bu barədə “Hraparak” yazıb.
Bildirilib ki, rəsmi dairələrdə Qərbdən növbədənkənar parlament seçkilərinin keçirilməsi tələbi ilə bağlı məlumatlar dolaşır. Məlumata görə Ermənistanın hakim Vətəndaş Cəmiyyəti Partiyasının dar çərçivəli iclaslarından birində baş nazir Nikol Paşinyan gələn il (2024-cü ildə) seçkilərin keçiriləcəyini istisna etmədən qısaca olaraq fövqəladə vəziyyət mövzusuna toxunub.
Qəzet yazıb ki, Paşinyan zamanın onun iqtidarının əleyhinə işlədiyini bilir: “Yeni müxalifət qüvvəsinin formalaşma ehtimalı artır, ona görə də müxalifəti təəccübləndirmək qərarına gəlib”.
Məqaləyə əsasən, Qərb də öz növbəsində Paşinyandan “sədaqət andına əməl etməyi” tələb edir: “Onlar istəyirlər ki, Ermənistan qısa zamanda Rusiyadan ayrılıb Avropaya doğru atılsın”.
Bildirilib ki, Qərb yeni parlament seçkilərində anti-Rusiya parlamenti formalaşacaq: “Orada mütləq Aram Zaven Sarkisyan və başqa qərbyönümlülər də iştirak edəcək".
Qeyd edək ki, Aram Zavenoviç Sarkisyan 1999-cu il oktyabrın 27-də parlamentdə törədilən terror aksiyasında qətlə yetirilmiş baş nazir Vazgen Zavenoviç Sarkisyanın kiçik qardaşıdır. Vazgen Sarkisyan 1998-ci il iyunun 11-dən 1999-cu il oktyabrın 27-dək baş nazir olub. O, həmin dövrdə Ermənistandakı hazırkı müxalifətin lideri, keçmiş prezident Robert Koçaryana qarşı siyasi qüvvələrə başçılıq edib.
Вернуться назад