İşdə soyuqdəymədən qorunmağın yolları
1-10-2023, 19:28. Разместил: azadses
Bu barədə rusiyalı tanınmış terapevt Qalina Aksyonova danışıb.
Onun sözlərinə görə, mikrobların yayılma riskini azaltmaq üçün hər üç-dörd saatdan bir otaq təxminən 10-15 dəqiqə havalandırılmalıdır.
“İkincisi, iş yerinizdə nəm təmizlik lazımdır: su və ya antiseptiklə nəmlənmiş birdəfəlik salfetlərlə masanın səthi silinməlidir”, - deyə mütəxəssis tövsiyə edib.
Aksyonova mikroblardan effektiv şəkildə qorunmaq üçün antiseptikdən istifadə etməyi və əlləri tez-tez yumağı da məsləhət görüb:
“Dərini zədələməmək üçün nəmləndirici təsiri olan kremdən istifadə edə bilərsiniz. Çirkli əllərlə üzə toxunmamağa çalışılmalıdır. Əllərdə mikroblar var ki, onlar selikli qişalara nüfuz edir və yoluxucu prosesin başlanmasına səbəb olur”, - deyə o əlavə edib.
Həkim, həmçinin, burnu fizioloji və ya duzlu məhlulla yaxalamağı tövsiyə edib. Onun sözlərinə görə, bu, selikli qişada bakteriyaları məhv edəcək.
Mənbə: Praym
Вернуться назад