Главная > Manset / Siyasət > KİV: Ərdoğan Putinə Ukrayna üzrə sülh danışıqlarını bərpa etməyi təklif edəcək

KİV: Ərdoğan Putinə Ukrayna üzrə sülh danışıqlarını bərpa etməyi təklif edəcək


7-08-2023, 09:31. Разместил: azadses
Avqustda keçirilən görüşdə Türkiyə Prezidenti Rəcəb Tayyib Ərdoğan rusiyalı həmkarı Vladimir Putinə Ukrayna üzrə sülh danışıqlarını bərpa etməyi təklif edəcək.

“Report” xəbər verir ki, bu barədə Rusiya KİV-i diplomatik mənbəyə istinadən məlumat yayıb.

Qeyd olunub ki, R. T. Ərdoğan növbəti dəfə vasitəçiliyini təklif edəcək:

“O, müharibənin qalibinin, sülhün isə məğlubunun olmaması tezisini bir daha təkrarlayacaq. Ankara dəfələrlə bildirib ki, atəşkəs mümkün qədər tez əldə olunmalıdır”.

Həm rəsmi Ankara, həm də Moskva avqust ayında liderlər arasında görüşün olacağını təsdiqləyib.

Görüşün yeri və konkret tarixi isə hələ ki, məlum deyil.


Вернуться назад