Nizami rayonunda oğul atasını qətlə yetirməkdə şübhəli bilinir - YENİLƏNİB
9-07-2023, 10:20. Разместил: azadses
Bu barədə "Report"a Nizami rayon prokurorluğundan bildirilib.
İlkin araşdırma zamanı 1993-cü il təvəllüdlü Pərvin Yusifovun aralarında yaranmış mübahisə zamanı atası Rəsul Yusifovu bıçaqla xəsarət yetirməklə qəsdən öldürməsinə əsaslı şübhələr müəyyən edilib.
Faktla bağlı Nizami rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Pərvin Yusifov prokurorluğun qərarı əsasında şübhəli şəxs qismində tutulub.
İbtidai istintaq davam etdirilir.
06:58
İyulun 9-da saat 02 radələrində Bakının Nizami rayonunda evlərin birində 1968-ci il təvəllüdlü Yusifli Rəsul Xanmirzə oğlunun kəsilmiş-deşilmiş xəsarətlərdən ölməsi barədə polisə məlumat daxil olub.
DİN-in mətbuat xidmətindən "Report"a bildirilib ki, cinayət əməlini törətməkdə şübhəli bilinən oğlu 1993-cü il Y.Pərvin polis əməkdaşları tərəfindən saxlanılıb.
Faktla bağlı araşdırma aparılır.
Вернуться назад