Baydenin reytinqi rekord dərəcədə aşağı düşüb
8-05-2023, 11:36. Разместил: azadses
Bunu bazar günü dövlət başçısının 2024-cü ildə keçiriləcək prezident seçkilərində yenidən seçilmək qərarını elan etməsindən sonra “The Washington Post” və ABC televiziyası tərəfindən aparılan sosioloji araşdırmanın nəticələri sübut edir.
Məlumata görə, hazırda respondentlərin yalnız 36%-i Baydenin dövlət başçısı kimi fəaliyyətini bəyənir. Halbuki, fevralda bu göstərici 42% olub.
Eyni zamanda, demokratların tərəfdarları arasından respondentlərin 58%-i partiyanın Baydeni seçkilərdə namizəd kimi irəli sürməsinə qarşıdır.
Bundan əlavə, sorğuya əsasən, əgər prezident seçkiləri indi keçirilsəydi, o zaman ABŞ vətəndaşlarının 44%-i Trampa, 38%-i isə hazırkı dövlət başçısına səs verərdi.
Вернуться назад