“Baku Steel Company”nin məhsullarının keyfiyyəti artıq bütün dünyada tanınır
13-12-2021, 11:36. Разместил: admin
Polad istehsalında Avropa və Amerikanın keyfiyyət sertifikatları Azərbaycanda yalnız “Baku Steel Company”yə təqdim edilib.Cənubi Qafqazın ən böyük metallurgiya şirkəti olan və məhsullarının keyfiyyətinə xüsusi önəm verən “Baku Steel Company” MMC-nin uğurları ölkə sərhədlərini aşmaqda davam edir. Burada istehsal olunan məhsulların keyfiyyəti artıq inkişaf etmiş ölkələrdə də qəbul edilir. BSC-nin məhsullarının Almaniya da daxil olmaqla Avropa, həmçinin Amerika standartlarının bütün tələb və şərtlərinə cavab verdiyi rəsmən təsdiqini tapıb və şirkət artıq ISO, EN, DIN, ASTM kimi beynəlxalq standartların sertifikatlarına sahibdir.
Bir neçə gün əvvəl “Baku Steel Company”yə armatur, kvadrat və dairəvi pəstahların istehsalı keyfiyyətini təsdiq edən EN 10080:2005, EN 10025-1:2004 də DIN 17100:1980, bir neçə ay öncə isə ASTM A615/A615M-20, ASTM A706/ A706M-16, həmçinin boruların keyfiyyətinə görə EN 10210-1:2006 və ГОСT 31446-2017 beynəlxalq sertifikatları (https://www.bakusteel.com/az/biz-kimik/sertifikatlar/ ) təqdim olunub.
Qeyd edək ki, BSC bu sertifikatlara sahib yeganə Azərbaycan şirkətidir.
Ötən il isə şirkət keyfiyyətli idarəetmə sisteminə görə nüfuzlu sənəd hesab edilən ISO 9001:2015 sertifikatına layiq görülüb.
“Baku Steel Company”də məhsulların keyfiyyətinə nəzarət etmək üçün 4 laboratoriya - kimyəvi təhlil, spektoral təhlil, mexaniki sınaq və metalloqrafik laboratoriyaları fəaliyyət göstərir və onlar ən müasir avadanlıqlarla təchiz olunub.
Hazırda boru istehsalında keyfiyyətin Amerika Neft İnstitutunun (American Petroleum Institute - API) standartlarına uyğunlaşdırılması üzərində iş gedir. Bu sertifikatın alınması “Baku Steel Company”də istehsal olunan boruların təkcə regionda deyil, dünyanın əksər ölkələrinə ixracına imkan verəcək.
Növbəti aydan şirkətdə yeni istehsal xəttinin - fasiləsiz pəstah tökmə maşınının (FPTM) işə düşməsi məhsul istehsalının artırılmasına və daha yüksək keyfiyyətli, korroziyaya davamlı, müdafiə sənayesində, o cümlədən aviasiyada istifadə edilə bilən poladların, həmçinin neft sektorunda istifadə olunan borular üçün pəstahların da istehsalına imkan verəcək. Bununla yanaşı məhsulların xarici bazarlara çıxışı daha da artacaq. Artıq Rusiya, Ukrayna, Qazaxıstan və bəzi Avropa ölkələrinin şirkətləri burada istehsal olunacaq məhsulları almaqda öncədən maraqlı olduqlarını bildiriblər.
Xatırladaq ki, BSC-nin məhsulları ölkə daxilində yüksək tələbatla satılmaqla yanaşı, indiyədək Türkiyə, Gürcüstan, Qazaxıstan, Rusiya, Türkmənistan, İspaniya, İtaliya və s. ölkələrə ixrac olunub.
Qeyd edək ki, BSC hazırda bir ədəd 60 tonluq və bir ədəd 30 tonluq elektrik qövs sobasından ibarət 2 əritmə sexinə, 3 çeşidli yayma xəttinə, bir ədəd tikişsiz boru istehsal edən yayma xəttinə, bir ədəd spiralvari tikişli boru istehsal edən yayma xəttinə, bir ədəd fasonlu tökmə istehsal edən mini zavoda və bir oksigen zavoduna sahibdir.
“Baku Steel Company” yüksək keyfiyyətdə armatur, katanka (məftil), kvadrat və dairəvi pəstahlar, kvadrat və dairəvi çubuqlar, tikişsiz və spiralvari tikişli borular, habelə çeşidli fasonlu tökmələr istehsal edir. Burada həmçinin şveller, künclüklər, ikitavrlar da buraxmaq mümkündür.
Вернуться назад