Vadim Vasilyev son durumunu açıqlayıb
24-04-2024, 14:52. Разместил: azadses
51 yaşlı keçmiş hücumçu bu barədə "Report"a açıqlama verib.
Vasilyev "Liv Bona Dea"da müalicəsini davam etdirdiyini bildirib: "Mənim üçün həkim təyin ediblər. Yazılan dərmanları qəbul edirəm. Bir həftədən sonra fizioterapiya başlayacaq. İndi xəstəxanadan çıxmışam, evə gedirəm. Hər gün mütəmadi olaraq buraya gəlirəm və bəzi prosedurları keçirəm. Əsas odur ki, gəzə bilirəm".
Yığmanın sabiq üzvü müalicəsini öz üzərinə götürən Heydər Əliyev Fonduna da təşəkkür edib: "Azərbaycan futbolunun, "Neftçi"nin azarkeşlərinə minnətdaram. AFFA da mənə çox yardımçı olub. Onlara da təşəkkürümü çatdırıram".
Qeyd edək ki, Vadim Vasilyev 1999-2003-cü illərdə Azərbaycan yığmasında çıxış edib və 33 oyunda 2 qol vurub. O, daha əvvəl insult keçirdiyi üçün xəstəxanaya yerləşdirilmişdi.
Вернуться назад