Главная > İdman > Qurban Qurbanov: “Nant” öz meydanında daha yaxşı oynayır”
Qurban Qurbanov: “Nant” öz meydanında daha yaxşı oynayır”26-10-2022, 20:49. Разместил: admin |
![]() “Report”un məlumatına görə, bunu “Qarabağ”ın baş məşqçisi Qurban Qurbanov Fransada “Nant”a qarşı keçirəcəkləri UEFA Avropa Liqasının qrup mərhələsinin V tur oyunundan öncə keçirilən mətbuat konfransında deyib. 50 yaşlı mütəxəssis bildirib ki, Bakıda bu komandaya 3:0 hesabı ilə qalib gəlmələri yanlış fikirlər gətirə bilər: “Əlimizə düşən hər imkandan maksimum istifadə etməyə çalışacağıq”. O, sabahkı görüşdə favorit olmadıqlarını söyləyib: “Rəqibə böyük hörmətlə yanaşırıq. Bakıdakı matçda qol epizodları oldu. Hətta hesab 0:0 olarkən üstünlük onların tərəfində idi. Rəqibin heyətində bacarıqlı futbolçular var. Sadəcə, hər komandanın uğursuz seriyası olur. Son vaxtlar “Nant”ın oyununda irəliləyiş var”. Qeyd edək ki, “Nant” - “Qarabağ” matçı Bakı vaxtı ilə saat 23:00-da başlayacaq. Вернуться назад |