Ten Haq “Barsa”nın yarımmüdafiəçisini “Mançester Yunayted”də görmək istəyir
23-04-2022, 17:19. Разместил: admin
“Mançester Yunayted” “Barselona”nın yarımmüdafiəçisi Frenki de Yonqla maraqlanır.“Diario Sport”un öz mənbələrinə istinadla verdiyi məlumata görə, Erik ten Haq “Mançester Yunayted”ə baş məşqçi təyin edildikdən sonra “Barsa”nın yarımmüdafiəçisi İngiltərə klubunun əsas hədəfinə çevrilib. De Yonq yarımmüdafiəçiyə arxayındır və onu komandada görmək istəyir.
“Barselona” isə niderlandlı oyunçunu satmaq istəmir. Hər şey oyunçunun özünün də ayrılmaq istəmədiyini göstərir. O, klubda rahatdır. Futbolçu yaxın illərdə “Barsa”nın layihəsinin inkişaf edəcəyinə inanır.
Bununla belə, məşqçi oyunçu ilə əla münasibətdə olduğu üçün hər şey dəyişə bilər. “Barselona” anlayır ki, “Mançester Yunayted”dən təhlükə var. Eyni zamanda, qeyd edilir ki, Kataloniya klubu bugünkü bazar standartlarına uyğun olaraq nəhəng təklif alacağı təqdirdə satışa razılıq verə bilər. “Barsa” komandanın bütün oyunçuları üçün təklifləri dinləməyə hazırdır, çünki bir neçə böyük transferin maliyyə vəziyyətini düzəltməyə kömək edəcəyinə inanırlar.
Bununla bağlı “Barselona” mərkəz yarımmüdafiəçisinin mövqeyini gücləndirmək variantlarını araşdırır. Əsas namizəd “Valensiya” ilə müqaviləsi 2023-cü ilin yayında başa çatacaq Karlos Solerdir.
De Yonq bu mövsüm “Barsa”nın heyətində bütün turnirlərdə 42 oyuna çıxıb, 4 qol vurub və 5 məhsuldar ötürmə verib.
Вернуться назад