Klublararası dünya çempionatının qalibi “Çelsi” oldu
13-02-2022, 09:02. Разместил: admin
“Çelsi” futbol üzrə klublararası dünya çempionatının qalibi olub."Azadsəs.az" xəbər verir ki, “zadəganlar” Birləşmiş Ərəb Əmirliklərinin paytaxtı Abu Dabidəki “Məhəmməd bin Zayed” stadionunda təşkil olunmuş final oyununda Braziliya “Palmeyras”ına qalib gəlib – 2:1.
Qarşılaşmanın əsas vaxtı 1:1 hesablı heç-heçə ilə yekunlaşıb. İlk qolu 55-ci dəqiqədə “Çelsi”nin hücumçusu Romelu Lukaku vurub. 64-cü dəqiqədə Rafael Veyqa penalti ilə bərabərliyi təmin edib.
117-ci dəqiqədə isə Kay Haverts penaltini dəqiq yerinə yetirib və Çempionlar Liqasının finalında olduğu kimi yenə qələbə topunun müəllifi olub.
Beləliklə, “Çelsi” tarixində ilk dəfə klublar arasında dünya çempionluğu əldə edib.
Вернуться назад