“Neftçi”nin Çempionlar Liqasındakı ilk oyununun hakimləri bilindi
25-06-2021, 18:36. Разместил: azadses
UEFA Çempionlar Liqasının I təsnifat mərhələsində iyulun 7-si Bakı vaxtı ilə saat 20:00-da keçiriləcək “Dinamo” (Tbilisi) – “Neftçi” matçının hakimləri açıqlanıb.Oxu.Az xəbər verir ki, oyun İsraildən olan hakimlər briqadasına tapşırılıb.
Baş hakim David Fuksman olacaq. Ona Nati Dotan və Matityahu Yakobov kömək edəcək. Dördüncü hakim funksiyasını İdan Leiba yerinə yetirəcək.
UEFA nümayəndəsi Lukas Soyski (Polşa), hakim-inspektor isə Vilyam Yanq (Şotlandiya) olacaq.
Qeyd edək ki, bu komandalar arasında cavab matçı iyulun 14-ü “Bakcell Arena”da baş tutacaq və saat 21:00-da start götürəcək.
Вернуться назад