Sumqayıtda gənc oğlanı qətlə yetirən şəxs saxlanılıb - YENİLƏNİB-2
9-06-2024, 17:10. Разместил: azadses
Bu barədə "Report"a Sumqayıt şəhər prokurorluğundan məlumat verilib.
Araşdırma zamanı 1999-cu il təvəllüdlü Nüsrət Həsənəlilinin şəhərin H.Z.Tağıyev qəsəbəsi ərazisində yerləşən kafelərdən birində aralarında yaranmış mübahisə zamanı bıçaqla xəsarətlər yetirərək Nicat Bayramovu qəsdən öldürməsinə əsaslı şübhələr müəyyən edilib.
Faktla bağlı Sumqayıt şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanaraq istintaq aparılır. Nüsrət Həsənəlili iş üzrə şübhəli şəxs qismində tutulub.
07:55
İyunun 9-da saat 03:00 radələrində Hacı Zeynalabdin Tağıyev qəsəbəsində 1995-ci il təvəllüdlü Bayramov Nicat Əlövsət oğlunun kəsici-deşici alətlə qətlə yetirilməsi barədə polisə məlumat daxil olub.
DİN-in Mətbuat Xidmətindən “Report”a bildirilib ki, cinayət əməlini törətməkdə şübhəli bilinən 1999-cu il təvəllüdlü Nüsrət Anar oğlu Həsənəlili polis əməkdaşları tərəfindən keçirilən tədbirlərlə saxlanılaraq istintaqa təhvil verilib. Araşdırma aparılır.
03:30
Sumqayıtda 29 yaşlı gənc qətlə yetirilib.
"Report" un yerli bürosu məlumat verir ki, hadisə Hacı Zeynalabdin qəsəbəsində qeydə alınıb.
1995-ci il təvəllüdlü Nicat Əlövsət oğlu Bayramov aralarında yaranan mübahisə nəticəsində tanımadığı şəxs tərəfindən bıçaqlanıb.
O, hadisə yerində keçinib. Faktla bağlı Sumqayıt şəhər Prokurorluğunda araşdırma aparılır.
Вернуться назад