Şəkidə qatar yük maşınını vurub
13-03-2023, 09:57. Разместил: admin
Şəkidə qatar yük maşınını vurub.
APA-nın Şimal-qərb bürosunun məlumatına görə, hadisə səhər saatlarında Yevlax-Balakən dəmiryol xəttinin Şəki rayonu Cəyirli kəndi ərazisindən keçən hissəsində baş verib.
Hərəkətdə olan qatar Şəki rayonu Qaraqoyunlu kənd sakini, 1965-ci il təvəllüdlü Zəkəriyyə Məhərrəm oğlu Məmmədovun idarə etdiyi “QAZel” markalı xırdatutumlu yük maşınını vurub.
Qəza zamanı sürücü Z. Məmmədovun yüngül xəsarət aldığı bildirilir.
Faktla bağlı araşdırma aparılır.
Вернуться назад